Dëshmohet fajësia e hajnit shqiptar në Gjermani

Hetuesit mund të dëshmojnë se 31-vjeçari kishte kryer në total 30 vjedhje. Për këtë shkak ai u ul në bankën e të akuzuarve përpara Landgericht Nurnberg-Furth në Bavari të Gjermanisë, shkruan albinfo.ch.

Ai kishte bashkëpunuar me tre persona të tjerë dhe kishin vjedhur 30 mijë euro në vlerë të mallit, derisa kishin shkaktuar dëme prej 8200 eurosh.

Gjykata e dënoi atë në mes të gushtit me 6 vjet e gjysmë. Shumica e veprave të tij janë nga maji deri në shtator të vitit 2015 në zonën e Mesme të Frankonisë, derisa dy vjedhje kishte kryer në rrethin Olpe.

Në korrik të vitit 2015, si me bashkëpunëtorët e tij kishte vjedhur në dy shtëpi të ndara në Ottfingen, komuna e Wenden. Në dy vjedhje në Sauerland ai plaçkiti vlerë që arrijnë në rreth 500 euro, derisa dëmet e shkaktuara ishin 1000.

Një telefon i vjedhur kishte çuar hetuesit e Bavarisë në gjurmët e të akuzuarit. Ata vunë në dukje se ai kishte vepruar me një telefon celular.

Pas një punë intensive, njësia e hetimeve zbuloi identitetin e tij, që nuk është bërë i ditur për media. Hetimet e mëtejshme zbuluan edhe raste të tjerë të vjedhjes që kishte bërë ai, derisa kishte lënë edhe shumë gjurmë. Edhe testet e ADN-së treguan se ai ishte kryerësi i veprave.

http://www.albinfo.ch/deshmohet-fajesia-e-hajnitt-shqiptar/