Dëshmitari: Gjyqtari i EULEX-it u korruptua nga grupi i Xhabir Zharkut

Dëshmitari Shpend Qerimi ka treguar të enjten se grupi i Xhabir Zharkut kishte korruptuar një gjyqtar të EULEX-it për ta liruar Nysret Cenën nga akuza për shpërthimin në lokalin “Sekiraça”, shkruan sot Koha Ditore.

Qerimi në ditën e dytë të dëshmisë ka thënë se rasti është nën hetim dhe për këtë arsye nuk ka dhënë detaje tjera. Ndonëse nuk ia ka përmendur emrin, kryetar i trupit gjykues ka qenë gjyqtari italian Françesko Florit.

Dëshmitari ka treguar po ashtu se kishte marrë kërcënime me jetë nga grupi i Xhabir Zharkut nëse do të tregonte për shpërthimin në lokalin “Sekiraça”. (Kohha Ditore)
© KOHA.net