Gjilan – Arben Dërmaku ushtrues i detyrës së rektorit në Universitetin e Gjilanit tha për rajonipress se janë në proces të angazhimit të kuadrove të cilët do të japin mësim në këtë universitet. Sipas tij shumica e asistentëve do të jenë të Anamoravës kurse doktorët përparësi sërish do të kenë të Anamoravës.
Arben Dërmaku është optimist se përzgjedhja e kuadrit dhe e tërë stafit akademik në Universitetin e Gjilanit do të bëhet në mënyrën më të mirë të mundshme.”Çdo universitet që themelohet nga e para ka sfidat e veta dhe edhe ne po mundohemi që të jemi sa më produktiv në mënyrë që Universiteti i Gjilanit të kompletohet së shpejti me tërë kuadrin e nevojshëm e të domosdoshëm” tha Dërmaku për rajonipress.
Dërmaku tha se shumica e asistentëve që do të angazhohen në Universitetin e Gjilanit do të jenë të Anamoravës, kurse për titujt doktor shkence edhe këta përparësi do të kenë nga rrethi i Anamoravës. “Ndoshta këtu na duhet edhe ndonjë përforcim nga Prishtina e qytetet e tjera sepse realisht kemi numër të kufizuar të kësaj kategorie në Anamoravë” tha Dërmaku.
Ndryshe, Dërmaku tha se tani në afatin e dytë të regjistrimit në Universitetin e Gjilanit kanë mbetur vende të lira në drejtimet e ekonomikut dhe juridikut. Në këto dy drejtime ka vend vetëm me korrespondencë.
Dërmaku tha se për studentët e Luginës ndërkaq kanë caktuar kuotën prej 400 vendeve të cilët i nënshtrohen testit të dijes dhe duhet ta kalojnë pragun./rajonipress/
