Dërguti për Kurtin: Ai është veç deputet, në ShBA i ka taku homologët e tij

Opinionistja Aida Dërguti ka komentuar vizitën e kryeministrit në detyrë, Albin Kurtit në Shtetet e Bashkuara, duke thënë se ajo nuk ka sjellë rezultatet që priteshin.

E ftuar në emisionin “Rubikon” të Klan Kosovës, Dërguti tha se Kurti po takohet vetëm me homologët e tij, pasi zyrtarisht është deputet.

“Zyrtarisht, ai është vetëm deputet, dhe ka takuar homologët e tij. Përtej kësaj, Shtetet e Bashkuara po e njohin si qeverisje në detyrë, ose siç po i thonë, kryeministër i përkohshëm. Kjo vizitë është më shumë elektorale dhe, siç duket, ka rezultuar e dështuar në raport me pritjet e tij”, u shpreh Dërguti.