Derbi vishet kuqebardhë

Në derbin e madh kosovarë, “bardhekuqët” e Gjilanit shënuan fitore minimale duke e mposhtur rivalin e përbetuar Dritën me rezultat minimal 1-0.

Autor i golit të vetëm në këtë derbi ishte Albert Dabiqaj i cili në minutën e 48-të, pas një aksioni të mirë e lenë të shtangur portierin e Dritës, Faton Malokun.

Në shkallët e stadiumit të qytetit dy tifozerit “Skifterat” e “Intelektualët”, i dhanë hijeshi këtij derbi i cili nuk solli edhe futboll të bukur për shikuesit.

Edhe pse ishte derbi i qytetit në radhët e Gjilanit nuk pati asnjë futbollist nga Gjilani, ndërsa tek Drita këtë anomali e prishën dy futbollistët nga qyteti i Gjilanit, portieri Faton Maloku dhe kapiteni Ard Limani.

Në pjesën e parë u zhvillua ndeshje tejet monotone me ndërhyrje të ashpra nga dy anët, duke mosë u krijuar asnjë rast shënimi, përpos Broja i Dritës në minutën e 45 nga një gjysmë rasti për pak sa nuk shënon.

Në minutën e 48-të, Dabiqaj ishte ai cili vulosi fatin e kësaj ndeshje tejet monotone.

Me këtë fitore Gjilani merr pozitën e liderit në tabelën e klasifikimit me 28 pikë, ndërsa Drita pozicionohet në pozitën e tretë me 25 pikë.

Në javën e 16-të, Gjilani përballet me Llapin në Podujevë, ndërsa Drita në Gjilan pret Dukagjinin./rajonipress/