Derbi përfundon me rezultat të bardh

Gjilan – Derbi më i madh në futbollin e Kosovës, në mes Gjilanit dhe Dritës, nëpër fushë të mbuluar me ujë dhe lloç nuk solli fitues.

Derbi i javës së 18-të, dhe i fundit në stinorin vjeshtor u zhvillua në praninë e rreth 5,000 shikuesve, të cilët gjatë 90 minutave si ata të “Skifterave” dhe “Intelektualëve”, nuk u ndalën në asnjë moment në përkrahje të skuadrave të tyre duke krijuar spektakël futbollistik.

Me gjithë përpjekjet e dy skuadrave të zhvillojnë të bukur, lloçi i krijuar në fushë bëri që gjatë 90 minutave të këtë pak aksione në fushë.

Futbollistët e Dritës ishin ata gjatë 90 minutave që më tepër krijuan raste, ndërsa futbollistët e Gjilanit kërkonin me kundërsulme të rrezikonin portën kundërshtare.
Në minutën e 4-të, Astrit Fazliu i Dritës i vetmuar me kokë gjuan jashtë portës së “bardh e kuqëve” të Gjilanit.

Një minutë më vonë Xhevdet Shabani bukur depërton gjuan nga 16 metra por Donat Kaciu me mund të madh mbron.

Astrit Fazliu shumë lehtë ka mundur të shënon në minutën e 14-të, nga 16 metra gjuan jashtë portës.

Rastin e vetëm futbollistët e Gjilanit e patën në minutën e 32-të, Gëzim Rusi nuk gjendet mirë nga 4-5 metra dështon.

Sulmuesi i Dritës, Xhevdet Shabani, në tollovinë e krijuar në minutën e 65-të, nga 10 metra godet pingulen e djathtë të Kaciut.

Rezervisti Kastriot Rexha në minutën e 72-të, gjuan me kokë nga 12 metra por Kaciu mbron gjuajtjen e tij duke shpëtuar rrjetën e tij.

Trajneri i Gjilanit, Arbnor Morina pas ndeshjes deklaroi.
“Skuadra e Gjilanit është e njohur për futboll të bukur, por problemet të cilat na kanë përcjell nuk po mundemi ta zhvillojmë lojën ashtu siç duhet, dhe jam i kënaqur me angazhimin e futbollistëve, por kushtet e fushës kanë qenë katastrofike dhe na pengoi me të madhe
që të zhvillojmë lojën tonë”.

Ndërsa trajneri i Dritës, Bekim Isufi theksoi.
“Patëm rastet tona nuk shënuam, Gjilani luajti për barazim dhe e prishën hijeshinë e lojës ndërsa fusha me balt i ndihmoi Gjilanit, nuk jam i kënaqur me këtë barazim por kundërshtari luajti mbrojtje të mirë”./rajonipress/