Derbi në Koretin pa fitues

Gjilan – Derbi i përfolur në mes Bashkimit të Koretinit dhe Dardanës, i cili u zhvillua në fshatin Koretin u përmbyll me rezultat të bardhë 0-0.

Në praninë e mbi 2,000 shikuesve dhe mysafirwve të shumta nga mbarë Kosova, njëherit të pranishëm ishin edhe zyrtarët e FC Kosova të Zvicrës, sekretari i këtij klubi, Ilir Morina dhe trajneri Adnan Ismajli.

Në një ambient spektakolar të cilin e kishin krijuar tifozët e Bashkimit dhe të Dardanës, për gjatë 90 minutave nuk ka ndodhur asnjë ekses si në fushën e blertë njëashtu edhe jashtë tribunave të stadiumit.

Rëndësia e madhe pikëve për dy skuadrat bëri që loja të mos jetë e bukur me pak raste shënimi.

Me këtë barazim skuadra e Bashkimit është me një këmbë në Ligën e Parë të futbollit të Kosovës.

E veçanta e këtij derbi ishin tifozët, duke ditur se në kategorinë e Ligës së dytë shumë pak kemi tifozë ku mund të numërohen edhe në gishtërinj.

Në minutën e 5-të, futbollistët e Dardanës kanë mundur shumë lehtë të arrijnë në epërsi, Arianit Sylejmani gjuan nga 16 metra por pranë shtyllës pingule të portierit të Bashkimit, Egzon Shabanit.

Sylejmani në minutën e 43-të, i vetmuar në vend se të shënon godet horizontalen e Shabanit.

Një minutë më vonë Agron Ahmeti i Dardanës nga 10 metra godet këndin e pingulës dhe horizontalen e portierit Shabani.

Vendësit të vetmin rast e patën në fund të pjesës së parë, Bujamin Xhemaili sulmuesi i Bashkimit i vetmuar gjuan bukur por golin ia mohon portieri Granit Statovci i cili shpëton gol të sigurt.

Bashkimi edhe më tutje i prin tabelës së klasifikimit me 54 pikë kurse Dardana me 51 pikë mbetet në pozitën e dytë, pozitë e cila e shpije në barazh me skuadrat e Ligës së Parë./sylejman ismajli/rajonipress/