Derbi mbyllet pa fitues

Derbi i javës së 15-të në Superligën e Kosovës në futboll, në mes Dritës dhe Ballkanit, ka përfunduar pa fitues me rezultat 2:2.

Futbollistët e Dritës kishin dy here epërsinë në ndeshjen, por nuk arritën ta mbajnë dhe në fund u deshtë të pajtohen me një pike.

Drita arriti të kaloj në epërsi në minutën e 12-të, nga penalltia, pasi i saktë nga 11-metërshin ishte Besnik Krasniqi. Kampioni në fuqi Ballkani arriti të barazojë rezultatin në minutën e 23-të, pas një rrëmuje në zonë, më së miri u gjend Albini Berisha i cili nga afërsia shënoj golin e barazimit.

Me të filluar pjesa e dytë, saktësisht në minutën e 49-të, Drita arriti të kaloj sërish në epërsi.

Pas një harkimi nga këndi, sulmuesi i Dritës, Marko Simonovski, arriti të shënon më një goditje me kokë, duke mposhtur portierin mysafir Frashërin.

Por, Ballkani nuk u dorëzua, dhe arriti të barazoj rezultatin në minutën e 74-të, nëpërmjet Albion Rrahamanit, i cili më një goditje të saktë brenda zonës, i siguroj një pike skuadrës kampione. Drita mbetet ende lidere e Superligës me 31 pikë, katër me shumë se Ballkani, por skuadra nga Suhareka kanë tri ndeshje më pak të zhvilluara.