Derbi i takon Prishtinës

Në derbin e javës së 30 në Superligën e Kosovës në futboll, Prishtina ka arritur të mposhtë Dritën me rezultat 1:2. Në një ndeshje të barabartë, Prishtina me lojë të mençur arriti 3 pikë teje te vlefshme, ndërsa Drita me këtë humbje ka humbur pozitën e parë. Xhevdet Shabani ishte ai i cili në fillim të ndeshjes provoi ta mposht portierin, Ardit Nika, por gjuajtjet e tija nuk ishin të sakta.

Në minutën e 21, pas një kundërsulmi të shpejt, Betim Haxhimusa, shënon për të kaluar Dritën në epërsi 1:0. Kryeqytetasit në minutën e 34 arrijnë të barazojnë rezultatin pas një gjuajtje të lirë, që konkretizon Endrit Krasniqi. Në pjesën e dytë, loja kryesisht u zhvillua në mes të fushës pa raste shënimi.

Në minutën e 71 mysafirët arrijnë të kalojnë në epërsi, pas një krosimi në zonë më së miri gjendet kapiteni i Prishtinës, Besnik Krasniqi, i cili me një goditje të saktë mposht Malokun për rezultatin 1:2. Pas kësaj humbje të Dritës gara për titull bëhet e “nxehtë”, pasi Ballkani e Drita ndajnë kreun me pikë të barabartë me nga 64 pikë, ndërsa Prishtina më këtë fitore ka tubuar 63 pikë. Në javën e ardhshme, Drita do të jetë mysafir e Besës nga Peja./rajonipress/