Derbi i takon Dritës

Gjilan – Derbi i qytetit të Gjilanit i ka takuar Dritës, e cila mposhti rivalin e saj Gjilanin me rezultat 1:0.

Derbi i zhvilluar në Gjilan në fushën me bari sintetik, ishte organizuar në mënyrë perfektë nga kryesia e Gjilanit ku mungesa e vetme ishin tifozët e Dritës, Intelektualët.

Golin e vetëm në ndeshje e shënoi, Blerim Krasniqi në minutën e 67-të, pas asistimit nga Muharrem Jashari.

Skifterat patën një rast të shkëlqyer në minutën e 93-të, për të nxjerr një pikë nga kjo ndeshje, por Smakiqi priti gjuajtjen e Kelmendit.

Me këtë fitore Drita ngjitet në pozitën e dytë me 31 pikë shtatë më pak se lideri Ballkani, ndërsa Gjilani mbetet në pozitën e tetë me 17 pikë të tubuara.

Në javën e ardhshme, Drita do te takohet me Malishevën, ndërsa Gjilani do te jetë mysafirë i Dukagjinit./rajonipress/