Derbi i takon Ballkanit

Skuadra e Ballkanit ka arritur të mposhtë Dritën në ndeshjen kryesore të këtij stinorit në Superligën e Kosovës në futboll, me rezultat 1:2.

Mëkati më i madh në këtë ndeshje ishin shikuesit, të cilët në mënyrë tejet të vështirë u detyruan ta përcjellin këtë ndeshje duke u vendosur në kodrinën afër stadiumit.

Ndërsa, udhëheqësja e Dritës meriton çdo lëvdatë pasiqë duke e parë interesimin e jashtëzakonshëm të shikuesve dhe kushtet “mizore”, të gjithë shikuesit ju ka bërë të mundur që mos të paguajnë për biletat e kësaj ndeshje.

Në javën e 33 -të e cila konsiderohet si ndeshja kryesore e kampionatit si për Dritën poashtu edhe për kampionin aktual Ballkanin, të cilat po e kërkojnë titullin e kampionit, në stadiumin sintentik në Gjilan në praninë e rreth 2 mijë shikuesve nuk u tregua futboll cilësorë.

Të parët në epërsi arritën “Portokallinjët” nga Suhareka. Në minutën e 11-të, pas një sulmi të menduar mirë Meriton Korenica me lehtësi mposht portierin e Dritës Florijan Smakiqin 0:1.

Tre minuta para se të përfundon pjesa e pare, mbrojtësi Blakqori bukur gjenë Muharrem Jasharin i cili nga 11 metra në anën e majtë të portierit Frashëri gjuan topin duke barazuar 1-1 . Goli i fitores arrihet në minutën e 85-të.

Armend Thaqi harkon nga këndi e me kokë më së miri shkëputet Lumbardh Dellova i cili mposht Smakiqin e Dritës. Me këtë fitore kampioni aktual Ballkani ka barazuar pikët me Dritën të cilët kanë tubuar nga 66 pikë. Deri në fund të kampionatit kanë mbetur edhe tri javë./rajonipress/