Derbi i 32 kampional në mes Dritës dhe Gjilanit, nën hijen e pandemisë COVID -19

Dy skuadrat më të mirat në futbollin e Kosovës në këtë kampionat Drita e Gjilani, ballafaqimin e 32-të, në ndeshjet kampionale të cilën e zhvillojnë të shtunën me gjithë ethet tek dashamirët e futbollit e në veçanti të tifozëve “Intelektualët” e “Skifterat”, mbetet nën hijen e pandemisë COVID -19.

Në gjendjen normale të jetës qyteti i Gjilanit stolisej me flamuj, bisedohej e ndaheshin rrugët e qytetit në “bardhekaltër” e “kuqebardh”, kësaj radhe fitues del pandemia Covid -19, e cila ka pushtuar planetin e tokës duke ju mohuar njerëzve kënaqësitë e jetës së tyre.

Shumë tifoz derbin në mes Gjilanit e Dritës e presin me padurim për të shkuar në shkallët e stadiumit dhe për ti përkrahur futbollistët e tyre të zemrës, por kësaj radhe kjo përkrahje do të mungon me të madhe pasiqë pandemia e padukshme COVID -19 këtë kënaqësi nuk e lejon.

Stadiumi i qytetit të shtunën ka mundur të jetë mbi 10 000 shikues duke ditur rëndësinë e madhe të pikve tek skuadra së Dritës dhe Gjilanit për titull të kampionit, por edhe këtë e mohon COVID-19 duke mos lejuar që emocionet, gëzimin e hidhërimin e lotëve të shikuesve mos ta ndajnë me futbollistët e zemrës së tyre.

Mëkatin e madh që ka shkaktuar pandemia COVID 19 tek shikuesit e këtë derbi të madh janë: përkrahjet e tyre, ambienti, fishekzjarret, ndarja e qytetit në ngjyrat e dy klubeve, komentet në rrugë e kafiteri të qytetit, emocionet gjerë në fillim të ndeshjës e në mbarim, ndarja vllau me vëllan e prindi me fëmijë, këto i ka derbi i madh i qytetit të Gjilanit i cili jeton me këtë derbi duke dhënë shembull për bukurit që bëhen në stadium e jasht stadiumit, ky është mëkati i pandemisë COVID 19.

Drita në këtë ballafaqim ndeshjen e zhvillon si vendëse duke u renditur në pozitën e parë me 65 pikë, 3 më shum se Ballkani dhe 4 më shum se Gjilani.

Në dy ndeshjet e këtij kampionati Drita ishte më e mirë me 29 shtator si musafire kishte mposhtur Gjilanin me rezultat 0-1, ndërsa me 16 shkurt si vendëse kishte mposhtur rivalin lokal me 2-0.

Nga 31 ballafaqime në ndeshje kampionale, Drita ka 12 fitore, Gjilani 9 fitore, ndërsa 10 ndeshje kanë përfunduar me rezultat të barabartë. /rajonipress/