Derbi i 27 Gjilanas me futbollist të huaj

Gjilan – Stadiumi i qytetit në Gjilan, të dielën duke filluar nga ora 15:30, do të jetë arenë e derbit më të madh në vend në mes Gjilanit e Dritës.

Njëherit ky është derbi i 27-të pas luftës, ndërsa Drita ka një fitore më shumë gjithsej 9 fitore ndërsa Gjilani ka 8 fitore, dhe 9 herë derbi është mbyllur në barazim.

Është bërë traditë tani e 20 vite, që me ditë të tëra të përflitet për këtë derbi të madh më tepër “emocional”, se sa ndonjë spektakël në fushë, në përjashtim dy tifot e grupeve “Skifterave” e “Intelektualëve”.

Ky derbi i gjen dy skuadrat në forma të ndryshme, deri sa Kampioni aktual Drita nuk ka startuar ashtu siç pritej duke u larguar trajneri Bekim Isufi dhe drejtori sportiv Fisnik Kërqeli, skuadra e Gjilanit është pak në pozitë më të mirë.

Dashamirët e futbollit Gjilanas në këtë derbi do të kenë mundësi të shohin vetëm dy kapitenët Ylber Kastratin e Gjilanit dhe Ardian Limanin si futbollist të qytetit të Gjilanit, ndërsa të gjithë të tjerët janë nga vendet e ndryshme ndër ta në skuadrën e Gjilanit do të jenë katër futbollist ndërkombëtar: Mauricio, M.Lopes, Caesar, Medrano, ndërsa në radhët e Dritës futbollist ndërkombëtar janë Bergonsi e Verza.

Se sa do të jenë të gatshëm këta futbollist ta përjetojnë këtë derbi “emocional”, për dy skuadrat mbetet të shihet.

Mjaft interesant është nëse paraqiten 4 futbollistët e ish-Gjilanit, që në këtë verë kaluan tek Drita, Shaqiri, Mustafa, Haxhimusa e Shala se si do ta përjetojnë këtë derbi.

Për trajnerin e Gjilanit, Sedat Pajaziti, i cili si trajner ishte edhe tek Drita do të jetë hera e pestë që do të përjeton këtë derbi Gjilanas, ndërsa homologu i tij nga Shqipëria, Shpëtim Duro do të jetë për herë të parë duke drejtuar “timonin” e Dritës.

Derbin lokal Gjilanas do ta drejtojë arbitri ndërkombëtar nga Prishtina, Genc Nuza, këtë nder e ka për të shtatën herë dhe në gjashtë përballjet e më hershme asnjëherë nuk ka nxjerr fitues.

Futbollistët e Dritës në këtë ndeshje do të jenë pa mbrojtësin e majtë, Liridon Leci, i cili është i dënuar me tri ndeshje mos lojë, ndërsa në pikëpyetje do të jetë edhe paraqitja e Haxhimusës pas lëndimit të mëhershëm.

Në radhët e Gjilanit poashtu nuk do të jetë e sigurt paraqitja e mesfushorit Ledjon Muqajt, i cili ka pasur një lëndim në dorë.

Dashamirët e futbollit Gjilanas, me të drejt dhe janë shumë kureshtar të shohin nga afër futbollistëve huaj se si do ta përjetojnë derbin e qytetit të Gjilanit.
Një është shumë e sigurt se dy tifogrupet “Skifterat” dhe “Intelektualët”, do të jenë pikat më të ndritshme të këtij derbi ashtu siç kanë qenë gjithmonë./rajonipress/