Deputetja e LDK-së fajëson LVV-në: Kuvendi është bërë si cirk

Deputetja e LDK-së, Valentina Bunjaku Rexhepi në një lidhje direkte në emisonin “IMAZH” të RTK-së ka komentuar degradimin e gjuhës në Kuvendin e Kosovës.

Ajo ka fajësuar Lëvizjen Vetëvendosje për denigrimin e gjuhës në parlament që prej transformimit të saj në parti dhe sigurimit të ulësve si grup parlamentar.

Bunjaku-Rexhepi po ashtu tha se shpeshëherë heqë dorë nga fjala e saj në Kuvend, sepse sipas saj Kuvendi kohët e fundit ngjanë në cirk, derisa shtoi që ndonjëherë ndjehet e turpëruar që është pjesë e legjilativit.

Tutje Bunjaku-Rexhepi foli edhe për rimëkëmbjen ekonomike dhe mos votimin e projektligjit, me çrast tha se patjetër që LDK-ja është ajo që duhet të sigurojë votat, derisa i bëri thirrje edhe opozitës që ta votojë këtë Projektligj.