Deputetja Bunjaku: Ne si LDK nuk i kemi numrat për rrëzimin e Qeverisë Kurti

Valentina Bunjaku-Rexhepi, deputete e LDK-së, ka komentuar mocionin e opozitës kundër Qeverisë së Kosovës.

Në emisionin “Raport” në Kanal 10, ka theksuar se LDK-ja nuk i ka numrat për ta rrëzuar Qeverinë Kurti. Sipas saj, nëse do t’i posedonin votat për mocion, atëherë do ta rrëzonin Qeverinë Kurti.

“Në si Lidhje Demokratike e Kosovës nuk kemi numra për me e rrëzu Qeverinë, është mirë zoti Kurti duke e pa paaftësinë e tij mu tërheq vet, sepse ne me pasë numra për me e rrëzu Qeverinë sigurisht që e kishim rrëzu deri tash, sigurisht që e kishim votuar mocionin për rrëzimin e Qeverisë, sepse edhe një ditë qe rrinë Kurti në pushtet është dëmë i madh për qytetarët, sa ma herët që zoti Kurti shkon prej shpije aq ma mirë është për Republikën tonë”. tha ajo në Kanal10.