Deputeti i AAK-së: Kriza me pandeminë s’zgjidhet përmes masave, por me investime në ekonomi

Deputeti i Aleancës për Ardhmërinë e Kosovës (AAK), Shemsedin Dreshaj, në një intervistë për Ekonomia Online ka thënë se në tërë rajonin është evidentuar rënia e rasteve me Covid-19, ani pse mund të ndodhë që të ketë rritje të rasteve.

“I gjithë rajoni ka një veprimtari të ngjashme. Në tërë rajonin është evidentuar një rënie e rasteve të reja me Coronavirus”.“I tërë rajoni është në procesin e vaksinimit. Pa marrë parasysh që është në interval të shkurtër kohor do të kemi rritje të rasteve të reja”.Ai tha se është dashur shumë më herët të ketë reflektim nga Qeveria sa i përket sigurimit të vaksinës.

Madje ai thotë se kriza me pandeminë s’zgjidhet përmes masave, por me investime në ekonomi.“Mendoj që është koha që është dashtë një veprim i tillë nga Qeveria kriza me pandeminë nuk zgjidhet përmes masave, por me investime në ekonomi. Zgjedhja është vaksinimi i gjithë popullatës”.

Sipas tij, vaksinimi duhet të fillojë sa më shpejt të jetë e mundur.“Pra ne nuk kemi informatë të sakta pse ka ndodhur vonesa. Por vaksinimi duhet të fillojë s amë shpejt dhe nuk arsye të pritet më shumë”.