Deputeti holandez: Nuk ka azil për shqiptarët, t’i kthejmë të gjithë mbrapsht

Një deputet në Parlamentin holandez është shprehur se shqiptarët duhen kthyer menjëherë mbrapsht nëse ata aplikojnë për azil në vendin e tij. Malik Azmani, deputet i Partisë së Popullit për Liri dhe Demokraci, tha se shqiptarët që mbërrijnë për azil në Holandë duhen kthyer mbrapsht.

Qëndrimi i tij u kundërshtua në “Twitter” nga deputeti kristiandemokrat Pieter Omtzigt, i cili u shpreh kundër tolerancës zero dhe retorikës së Azmanit.

Ai u shpreh se Shqipëria është një vend kandidat për në Bashkimin Europian dhe në të ardhmen, nëse ajo i bashkohet BE-së, atëherë liria e lëvizjes u lejon të gjithëve të vendosin se ku duan të jetojnë.