Deputeti gjerman: Marrëveshja e Ohrit, e vetmja mundësi për normalizimin e marrëdhënieve Kosovë-Serbi
Deputeti i Bundestagut gjerman, Peter Beyer, tha se rrugën e vetme që Kosova dhe Serbia të bëhen anëtarë të Bashkimit Evropian dhe të normalizojnë marrëdhëniet e sheh në zbatimin e Marrëveshjes së Ohrit.
Beyer, ish-koordinator i bashkëpunimit transatlantik, shkroi në llogarinë e tij në Twitter, duke ripërtërirë postimin e fundit të kreut të diplomacisë evropiane, Josep Borell, për Marrëveshjen e Ohrit, “është e vetmja mënyrë e mundshme për të arritur si normalizimin e marrëdhënieve ashtu edhe anëtarësimin në BE-në “.
Më 5 prill, ndër të tjera, në një postim në Twitter, Borell kërkoi nga Kosova dhe Serbia të zbatojnë Marrëveshjen e Ohrit.
