Deputetët e Kosovës vizitojnë tri komunat e Luginës së Preshevës

Një grup i deputetëve të Kosovës janë duke vizituar tri komunat shqiptare në Luginë të Preshevës (Medvegjë, Bujanoc, Preshevë).

Kjo vizitë është duke u bërë me qëllim për t’u njohur nga afër me zhvillimet dhe kushtet e tyre në administratë, të pushtetit lokal, të mediave, zhvillimit të arsimit, njohjen e diplomave, furnizimin me literaturë dhe libra për nxënës të shkollave atje, etj.

Deputeti i LDK-së, Arban Abrashi në një postim në Facebook ka treguar se janë takuar me personelin e shkollës fillore “Zenel Hajdini”, në Tupallë të Medvegjës.

“Takim me personelin e shkollës Zenel Hajdini në Tupalë të Medvegjës, në kuadër të vizitës në Luginë e Preshevës”, ka shkruar në Facebook, Abrashi.

Ndryshe, delegacioni i përbërë nga tetë deputetë të Kuvendit të Kosovës do të qëndroj për dy ditë radhazi në tre komunat e banuara me shqiptarë në Serbi.