Deponitë të pranishme kudo, qeverisja komunale e përgjumur

Gjilan – Inspeksioni komunal ka pësuar vdekje klinike sepse asnjëherë s`ka dalur në teren për të shirituar këto deponi. Droni i Alban Hysenit nuk po i vëren deponitë e bërllogut shprehen me ironi qytetarët.

Shumë deponi të bërllogut janë krijuar në hapësira të ndryshme frekuentuese. Në Zhegër kaherë është dhënë alarmi për deponi të shumta, kurse në Stublinë ato sa vije e shtohen.

Në tërë këtë kaos mjedisor inspeksioni komunal ka gjetur heshtjen dhe mos aktivitetin e vet parandalues.

Neziri qytetar mendon se qeverisja komunale as që është e interesuar të zgjidhë këto probleme jetike për qytetarët.
“Këta të LVV as nuk po dijnë e as nuk po vetin. Këta i kish falë zoti veç me fy e mu shtye në facebook me rival politik. Vet i kam votuar po këta ishin e keqja e vetvetes sepse nuk kanë njerëz të aftë e as të ditur për me qeverisë” tha Neziri.

Lulzimi një tjetër qytetar mendon se ndotja mjedisore është kultura e parë që duhet të tregojë një qeverisje me efikasitet.
“Asnjëherë nuk kanë reaguar as inspeksioni, e as shërbimet publike. Këta po sillen sikur janë mysafirë te dajtë dhe punët e tyre ua kryen dikush tjetër” shprehet me ironi Lulzimi./rajonipress/