Deponitë ilegale dhe mungesa e ndriçimit publik në disa fshatra, shqetësuese për qytetarët

Viti – Imri Emërllahu ka njoftuar edhe për projektet t’jera që priten të zhvillohen, e të cilat kanë të bëjnë me dukurit shqetësuese në Viti. Ai ndër t’jera përmendi si shqetësime të ngritura nga qytetarët: Deponit ilegale nëpër disa fshatra, vend caktimi, grumbullimi për mbeturinat inerte, mungesa e ndriçimit publik nëpër disa lagje të fshatrave, si në fshatin Pozheran, lagjia Idriz Halabaku, dhe në fshatin e Ri (Novosellë).

Prodhimi i bukës, dhe prodhimet e mishit janë bërë shqetësuese për qytetarët, andaj ftohen inspektoret sanitar, dhe të veterinës e ushqimit që të ushtrojnë kontrollime të ashpra në këto prodhime.

Emërllahu ndër t’jerash tha se bashkëpunimi në mes të këtij ekipi me qytetarët e Komunës së Vitisë, është i mirë, duke përmendur se gjatë vitit të kaluar ky ekip në bashkëpunim me Komunën e Vitisë, dhe Policinë e Kosovës, Stacioni Policor në Viti, kanë mbajtur fushatë të shumta vetëdijesimi duke potencuar se këto fushata kanë ndikuar në uljen e dukurive negative në këtë Komunë.

Gjendja e Sigurisë në Komunën e Vitisë, u vlerësua e mirë, me përjashtim të disa rasteve e që janë të njohura për PK-në. Rast më shqetësues për vitin që lamë pasë ishin rastet e aksidenteve të shumta, dhe më e dhimbshme humbja e jetëve të njerëzve, ku ishin mbi 7-8, raste që pësuan me fatalitet.

EVSB, kërkon nga organet gjegjëse, që të punohet më shumë rreth sigurisë në trafik, dhe të dihen faktorët, dhe shkaktarët e aksidenteve.

Sipas të dhënave me shifra të sakta që u paraqiten në takim nga Policia del se Janari i këtij viti ka ulje të rasteve në krahasim me muajin e njëjtë të vitit të kalua ka thënë Imri Emërllahu koordinatori i EVSB-së, për Komunën e Vitisë./rajonipress/