Dënohen shqiptarët në Belgjikë, ja si grabisnin duke mos lënë gjurmë

Gjykata e Apelit në Bruksel dënoi me 10 vjet burg kreun e një bande shqiptarësh, që është përgjegjëse për më shumë se 200 grabitje dhe tentativa grabitjeje në qytete të ndryshme të Belgjikës.

Ndërkohë me pesë vjet burg u dënua një tjetër anëtar i bandës. Gjatë një tentative grabitjeje grupi la të vdekur një të moshuar, i cili u përlesh me grabitësit.

Grupi përdorte dy makina të ndryshme, njërën për udhëtim dhe tjetrën vetëm për akte kriminale, të cilën e grabisnin një natë më parë.

Banda linte gjithnjë automjetin e grabitur në vendngjarje dhe largohej me makinën tjetër. Metoda e tyre u zbulua gjatë hetimeve të Policisë Federale të Brukselit.