Dënohen me burgim dhe gjobë, për veprën penale të shantazhit
Gjilan – Gjykata Themelore në Gjilan ka shpall aktgjykim dënues ndaj të akuzuarit Metali Kurtalani dhe akuzuarës Fatmire Kurtalani, duke i shqiptuar dënim me nga një (1) vit burgim dhe dënim me gjobë në shumë prej 400 (katërqind) euro.
Të akuzuarit (bashkëshort), me qëllim të përfitimit të kundërligjshëm pasuror për vete, e kanë shantazhuar të dëmtuarin Elez Elezin, se nëse nuk u jep i njëjti të hollat në shumën prej 5.000 Euro, ata do të zbulojnë një video inqizim i cili do të dëmtonte nderin dhe autoritetin e tij.
Me këto veprime të pandehurit kanë kryer veprën penale “shantazh”.
Gjithashtu detyrohet i akuzuari Metali Kurtalani, që në emër të kërkesës pasurore juridike, kompensimin e dëmit në shumën e të hollave prej 1.000 Euro t’ia paguaj të dëmtuarit Elez Elezi.
Palët kanë të drejtën e ankesës ndaj këtij vendimi në Gjykatën e Apelit thuhet në njoftimin e Gjykatës./rajonipress/