Dënimet e vogla mundësojnë përsëritjen e vjedhjes së votave

Shqiptimi minimal i dënimeve për personat të cilët kanë manipuluar me votat e qytetarëve në zgjedhjet e fundit, hap rrugë që problemet e njëjta të përsëriten edhe në zgjedhjet lokale të 3 nëntorit, vlerësojnë përfaqësues të Demokracisë në Veprim dhe të Komisionit Qendror Zgjedhor. Andaj ata kërkojnë dënim me të rreptë të personave të cilët manipulojnë me votat e qytetarëve.

Deri më tani janë akuzuar rreth 1500 persona për keqpërdorim të votave gjatë procesit zgjedhor, ndërsa janë edhe disa raste në proces.

Mirëpo dënimi i këtyre personave ka qenë shumë minimal duke filluar nga gjashtë muaj burg deri në tërheqje të vërejtjeve për mospërsëritje të veprës.

Dardan Berisha nga organizata joqeveritare ‘Demokracia në Veprim’, organizatë e cila merret me monitorimin e procesit zgjedhor në Kosovë, ka thënë për Tribunën se dënimet minimale ndikojnë në përsëritjen e manipulimit të votave.

Ai ka përmendur tre faktorë të cilët do të parandalonin vjedhjen e votave… (Tribuna).