Demolli i pari në peshëngritje

Gjilan – Për nder të “100 Vjetorit të Shtetit Shqiptar”, Drejtoria për Kulturë, Rini dhe Sport, organizoi turnir në peshëngritje, në lokalet e Bodibilding Klubit “Gladiatori” në Kamenicë.

Drejtori i drejtorisë për Kulturë, Rini dhe Sport Faton Krasniqi ka thënë se vendin e parë e zuri Florim Demolli që në serinë e pestë ngriti 150 kg, vendi i dytë i takoi Behar Sadikut që në serinë e pestë ngriti 115 kg dhe vendi i tretë i takoi Rexhep Muhaxherit që në serinë e pestë ngrit 105 kg.

Po ashtu, gjatë ditëve në vijim për nderë të “100 Vjetorit të Shtetit Shqiptar”, do të mbahen edhe aktivitete të tjera, të cilat janë organizuar nga drejtoria në fjalë si: 9 Nëntor , ora 18:00, komedia “ Miu në xhep”, 15 Nëntor, ora 14:00, Promovimi i librit të Halil Matoshit, “Katedrale prej letre”, 15 Nëntor, ora 18:00 , filmi “ Nëntori i dytë”, 20 Nëntor, ora 14:00 , hapja e ekspozitës me eksponate kulturore-historike, 21 Nëntor, ora 14:00, vendosja e flamurit gjigant në qendër të qytetit, 24 Nëntor, ora 14:00, promovimi i revistës letrare “ Nositi”, 26 Nëntor, ora 13:00, Zbulimi i muralit , në Shkollën Fillore “ Fan S. Noli”, 26 Nëntor, në orën 14:00 – Koncert dhe Sfilata“Kuq e Zi” (Shtëpia e Modës “Erosi” nga Kamenica), 27 Nëntor, ora 14:00 , Ekspozitë me fotografi nga grup autorësh dhe 28 Nëntor , në orën 13:00 -do të zhvillohen tri ndeshje futbolli:KF, Kamenica , KF “Kaolini”, KF Policia e Kosovës dhe KF”Galaksia”./rajonipress/