DEMI trajnon zyrtarët komunal

Gjilan – Në kuadër të projektit “Demi” u realizua një trajnim dy ditorë me zyrtarët e komunës. Në ditën e parë ishin të ftuar drejtorët komunal dhe përgjegjësit e sektorëve të ndryshëm. Ndërsa ditën e dytë ishin përfshirë zyrtarët e dy drejtorive komunale të Administratës komunale dhe drejtorisë së Shërbimeve Publike dhe Ambientit.

Programi i këtij trajnimi i emërtuar “Krijimi i departamenteve me performancë të lartë”, sipas drejtorit të Administratës Komunale Enver Ajvazi tha se së pari duhet falënderuar USAID-in, përkatësisht programin DEMI për organizimin e trajnimeve të frytshme me zyrtarët komunal.

“Zyrtarët kanë nevojë për trajnime të ndryshme për ngritje profesionale, për përfitime, njohuri të reja, të cilat janë shumë të dobishme për zyrtarët e drejtorisë së Administratës dhe tjerëve” tha Ajvazi.

Ai po ashtu falënderoi konsulentët Marsha dhe Deby. Drejtori i Shërbimeve Publike dhe Ambientit Hysen Jerliu, e çmoi lartë përvojën e fituar nga ky trajnim, sidomos për zyrtarët e drejtorisë që ai drejton. /rajonipress/