Gjilan – Sipas komisionit të formuar nga drejtoria për Bujqësi, Pylltari dhe Zhvillim Rural, i përbërë nga Nejzai Fera, Imer Dërmaku dhe Bektesh Dërmaku, dëmi nga breshëri që ka prekur fshatrat Petroc, Topanicë, Hodonoc, Rogaqicë, Muqivërcë dhe Kranidell arrin në 720 mijë euro.
Komisioni komunal ka vizituar këto fshatra dhe sipas tij fshatrat më të prekura nga breshëri janë fshati Petroc, një pjesë e fshatit Topanicë, Hodonoc, Rogaqicë, Muqivërcë dhe Kranidell.
Nejzai Fera tha për rajonipress se dëmet më të mëdha janë në kulturat pemëtarë dhe në kulturat lavërtarë ( gruri, misri dhe kulturat perimore ). Sipas vlerësimit preliminar, konsiderohet se në fshatin Petroc dëmi sillet rreth 70% , kurse në fshatrat Hodonoc, Rogaqicë dhe Muqivërcë 50-60 %.
Në këto fshatra vlerësohet se ka të mbjellura rreth 1200 ha me kultura bujqësore, ndërsa, e ardhura mesatare për ha, llogaritet rreth 1000 €/ha. Prej tyre vlerësohet se është shkaktuar dëm rreth 60 %.
Fera tha se në këto fshatra konsiderohet se dëmi i shprehur në vlerë, përafërsisht sillet rreth 720.000.00 €./rajonipress/
