Demaçi: Dick Marty mori para nga Serbia

Për veprimtarin Adem Demaçi, formimi i gjykatës për ish-pjesëtarët e UÇK-së, është i papranueshëm nuk do të jetë produktiv. Sipas tij, bota e ka parë të arsyeshme t’i fsheh krimet e Serbisë dhe kjo është krim mbi krimet.

Evropën e ka përfshirë burokratizmi dhe po bënë gabime të mëdha që janë në kundërshtim me demokracinë dhe mbrojtjen e së vërtetës.

Ai thotë se të bëmat ndaj shqiptarëve të gjitha po lihen anash e po diskutohen disa shpifje e trillime që të gjitha vijnë nga pala serbe.

Sipas tij, formimi i gjykatave të tilla nuk do të jetë produktiv dhe po krijon pakënaqësi të mëdha tek populli.

Madje sipas tij, nuk është në favor të Evropës që të përkrahë një shtet si Serbia që i ka bërë katër luftëra.

Demaçi thotë se Dick Marty shërbehet vetëm nga të dhënat që vetë Serbia i shpifë, e kështu po e krijojnë gjithë këtë gjendje. Derisa, sipas tij, Kosova nuk ka ditur të mbrohet edhe pse ishte në anën e drejtë dhe e bëri një luftë të tërë.