Delawie: Nuk tërheq deklaratën e dhënë

Ambasadori i ri i Shteteve të Bashkuara në Kosovë, Gregory Delawie deklaroi se i qëndron besnik deklaratave të dhëna ditë më parë për opozitën.

Ai tha se nuk e tërheq fjalën e dhënë, pavarësisht peticionit kundër tij.

Sipas tij, ai që ka inicuar këtë peticion ka dhënë mendimin e tij dhe kjo ndodh në një vend demokratik siç është Kosova.

Këto komente ambasadori amerikan i bëri në një panel diskutues me temën “Lufta kundër korrupsionit politik: Sfidat në funksion të reformave të ardhshme”./rtklive/