Ish kryeprokurorja e Tribunalit të Hagës, Carla del Ponte, tani anëtare e Komisionit hetues të OKB-së, për krimet në Siri, gjatë qëndrimit në Gjenevë, ndër të tjerat ka thënë se, nuk merret me ish Jugosllavinë duke shtuar se “trafiku i organeve në Kosovë”, tashmë është një çështje me të cilën ka nisur dhe po merret Dick Marty.
Del Ponte e ka rikonfimuar mos përfshirjen e kryeministrit Hashim Thaçit, në “trafikun e organeve”, në Kosovë, raporton RTK.
“Unë në librin tim të fundit, as në takime e as në raporte nuk e përmendi Thaçin lidhur me këtë aferë. Dick Marty është ai që ka përmendur Hashim Thaçin në raportin e tij për UÇK-në”, ka rikonfirmuar ish prokurorja e Tribunalit të Hagës, Carla del Ponte para gazetarëve në Gjenevë.
