Deklarohet Lajçaku, thotë se u keqinterpretua për hartën e Kosovës

Përfaqësuesi special i BE-së për dialogun Kosovë-Serbi, Miroslav Lajçak, ka reaguar rreth çështjes së hartës e cila u shfaq në zyrën e tij, ku Kosova paraqitej si pjesë e Serbisë.

Sipas tij, harta është bërë gjatë intervistës dhe është shfaqur e paqartë.

Ai thotë se ajo hartë është hartë zyrtare e BE e Ballkanit Perëndimor.

“Pasi harta në zyrën time është nxjerrë gjatë intervistës sime dhe është e paqartë, ka shkaktuar disa keqkuptime sot, unë po ndaj një foto të afërt të saj. Kjo është një hartë zyrtare e BE e Ballkanit Perëndimor. Kosova është atje dhe po ashtu është linja që ndan Kosovën nga Serbia”, thotë ai përmes këtij reagimi në Twitter, krahas të cilit publikon fotografi të hartës. /Zëri