Deklarimi i Pasurisë: Numër i vogël i zyrtarëve deklaruan atë

Kanë mbetur edhe 21 ditë deri në mbylljen e afatit për deklarimin e pasurisë së zyrtarëve të lartë shtetëror. E janë më shumë se 4 mijë zyrtarë që ende nuk e kanë deklaruar pasurinë.

Ndërkohë që në dy javët e para të afatit ligjor për deklarimin e pasurisë, formularët e deklarimit në Agjencinë Kundër Korrupsionit i kanë dorëzuar 394 zyrtarë, shkruan Gazeta Express.

Zyrtarisht procesi i deklarimit të rregullt vjetor të pasurisë së zyrtarëve të lartë publikë, fillon nga data 1 mars dhe përfundon më 31 mars.

Deklarimit të pasurisë i nënshtrohen të gjithë zyrtarët e lartë publikë, me përjashtim të atyre që kanë deklaruar pasurinë me rastin e marrjes së detyrës pas datës 1 janar të këtij viti./GazetaExpress/