Deklaratat e Jabllanoviqit dhe mos shkarkimi i tij e brengosin diasporën

Gjilan – Arben Kurteshi kryetar i AKR Internacional me seli në Zvicër thotë se pas deklaratave nxitëse të Jabllanoviqit dhe mos reagimit të Isa Mustafës për ta shkarkuar atë tek diaspora vërehet një brengosje e madhe.

Pas deklaratave të ministrit Jabllanoviq e sidomos pas këtyre të fundit të Kryeministrit Serb zotit Vuqiq, frika se gurëthemelet e shtetit të Kosovës kanë lëvizë dhe se një ditë Serbia mund të kthehet në Kosovë e kanë shtuar këtë preokupim tek diaspora shprehet Arben Kurteshi.

Kurteshi thotë se është shumë e mundur që ditët dhe javët e ardhshme popullata e pa kënaqur që po e lëshon Kosovën dhe po vjen në metropolet europiane (azilkërkuesit) e që janë me dhjetëra e mijëra mund të vetë organizohen dhe demonstrojnë para selive të ndryshme për dorëheqjen e qeverisë. Këshilloj që qeveria të merr masa dhe qëndrime të qarta ndaj ministrit dhe Serbisë ose të jep dorëheqje sa nuk kanë filluar këto demonstrime sepse e dëmtojnë edhe më shumë Kosovën./rajonipress/