Deklarata profetike e Rexhep Qosjes

Në vitin 1993, në Paris, Qosja flet për bashkimin e territorit të banuar nga shqiptarët dhe për këtë qëllim thotë ai, mund të përdoret edhe lufta.

Ai thotë se një vendit i nevojiten rreth 6 vjet për t’u përgatitur për luftë dhe pikërisht kaq vite pas deklaratës nis lufta e Kosovës.

“Në qoftë se ne s’do të kemi mundësi që rrugës paqësore dhe demokratike ta arrijmë atë që na takon, e sipas mendimit tim, populli shqiptar kudo është shumicë në Jugosllavi, dhe përgjatë kufirit me Shqipërinë i takon e drejta e vetëvendosjes, e kjo për mua do të thotë e drejta e bashkimit.

Pra, në qoftë se këtë nuk do të mund ta arrijmë rrugës paqësore e demokratike, populli shqiptar ka të drejtë të përdorë mjetin e fundit për realizimin e këtij qëllimi, e kjo është lufta. Ndërsa një shteti për t’u përgatitur për luftë i nevojiten së paku gjashtë vjet për t’u përgatitur për atë qëllim.” /shekulli/