Dekani i FSI në Prishtinë vizitoi Këshillin e Bashkësisë Islame në Gjilan

Dekani i Fakultetit të Studimeve Islame, Fahrush Rexhepi, i shoqëruar nga Milazim Krasniqi, vizitoi Këshillin e Bashkësisë Islame të Gjilanit, në të cilin u prit nga kryetari i këtij Këshilli z. Naim Aliu.

Aliu e njohu dekanin me punën dhe të arriturat e KBI-së në Gjilan. Ai gjithashtu falënderoi për punën dhe kontributin e tij gjatë periudhës sa ishte koordinator i medresesë në Gjilan dhe për përkrahjen e vazhdueshme që ka dhënë për këtë Këshill.

Dekani e falënderoi kryetarin Aliu për pritjen, si dhe premtoi përkrahje të mëtutjeshme për këtë Këshill, në mënyrë që ata t’i realizojnë projektet e tyre të synuara.

Ne fund të takimit në emër të KBI në Gjilan kryetari i dhuroi mysafirëve nga një ekzemplarë të librit të ribotuara nga KBI për Mulla Idriz Gjilanit dhe Librin “Dëshmi për Kohën” i cili flet për kontributin e KBI në Gjilan dhënë çështjes kombëtare gjatë periudhës 1990/99./rajonipress/