Deda: Dhuna më ndau me VV-në

Gazi lotsjellës dhe dhuna brenda institucioneve, kanë qenë arsyet e ndarjes me Lëvizjen “Vetëvendosje”, ka thënë deputeti Ilir Deda, derisa i është kërkuar të komentojë pamjet në të cilat shfaqet Albin Kurti duke u prirë disa të rinjve që hedhin koktej molotovi në drejtim të Kuvendit të Kosovës.

Në emisionin “Personale” të TV Dukagjinit, Deda ka thënë se Kosova ka nevojë për një qasje të re politike të cilën mund ta bëjnë vetëm gjenerata e re në politikë.

Lidhja aktuale Demokratike e Kosovës nuk ka asgjë të përbashkët me Ibrahim Rugovës, pos faktit që bartë emrin e partisë që dikur udhëhiqej nga ai, ka thënë deputeti i Kuvendit të Kosovës Ilir Deda.

Njëri nga nismëtarët e një lëvizje të re politikë, në emisionin “Personale” të TV Dukagjinit, u shpreh se LDK-ja e tashme është e kundërta e asaj që ishte dikur.

LDK e Mustafës, sipas Dedës, promovon demokraci, por vepron në mënyrë jodemokratike.

“Ai bën kompromise të padinjitetshme dhe nuk ka plan për ndërtimin e shtetit. Këto nuk do të ndodhnin sikur të ishte Ibrahim Rugova”, ka thënë ai. /Telegrafi/