Decentralizimit të tanishëm i ka skaduar afati

Drejtori ekzekutiv i Institutit kosovar për qeverisje lokale, Besnik Tahiri ka shprehur nevojën që sistemi i pushtetit lokal në vend t’i nënshtrohet një rimendimi dhe rirregullimi të thellë.

Tahiri në një intervistë për ‘Epokën e re’ ka vlerësuar se sistemit të tanishëm të qeverisjes lokale i ka skaduar afati.

Ai tha se procesi i reformës zgjedhore në nivelin lokal duhet të përcillet me ndryshime paraprake të Ligjit për vetëqeverisje lokale dhe ligjeve sektoriale.

Në të kundërtën, sipas Tahiri, rrezikohet të cenohet demokracia në nivelin lokal.

Duke folur për qeverisjen komunale në vend, Tahiri ka thënë se pavarësisht përpjekjeve dhe disa nismave ‘ad hoc’ komunat ende vazhdojnë të operojnë me paqartësi ligjore. /Telegrafi/