Debutimi i ëndrrave dhe injorimi i Shqipërisë

Vetëm 17-vjeçar dhe arriti të debutoj në njërin ndër kampionatet më të forta në Evropë. Sulmuesi kosovar, Valmir Sylejmani, ka arritur të jetë ndër lojtarët më të ri që ka debutuar këtë stinor në Bundesligën gjermane. Gjilanasit iu dha hapësira fillimisht me skuadrën e parë të tregojë vetën në ndeshjet para-sezonale, ku shkëlqeu duke shënuar e asistuar, ndërsa në elitën e futbollit gjerman debutoi vetëm në dy ndeshjet e fundit të pjesës së parë të stinorit.

Skuadra e Valmirit, Hannover ’96, ishte duke pësuar humbje turpëruese 3:1 në shtëpi të saj nga Nurnbergu, ndërsa rikthimin e bëri pikërisht 17-vjeçari, duke asistuar në ngushtimin e epërsisë 3:2, për të përfunduar ndeshja në barazim 3:3.

Në një intervistë dhënë për Arena, Valmiri tregon emocionet që kishte në debutim dhe fjalët që ia kishte thënë trajneri, Mirko Sllomka, para se të futej në lojë. “Kur më tha trajneri bëhu gati të futesh, vërtet mbeta i shtangur.

Para se të hyja, Mirko Sllomka më tha: ‘Nuk kemi më se çfarë të humbasim. Futu në lojë pa frikë dhe trego se vlen shumë. Bëje lojën tënde dhe kontribuo për barazim’. Në fillim isha pak i humbur pasi luaja para 30 mijë tifozëve, por pastaj u ambientova dhe bëra lojën time, ku arrita të kontribuoj edhe me një asistim”, u shpreh Sylejmani, i cili pas ndeshjes u duartrokit nga të gjithë të pranishmit dhe morri lëvdata të mëdha nga trajneri Sllomka dhe bashkëlojtarët e tij…(Tribuna – Arena).