Mobi Casa

Dëbohet kosovari, jetonte në Gjermani nga viti 1989

/ 2 minuta lexim
Hidromorava

Përveç që kishte mbajtur burg për tregti droge, babai i divorcuar i katër fëmijëve të rritur nuk ishte integruar në shoqërinë gjermane.

Një person nga Kosova mund të dëbohet nga Qarku i Göttingen-it. Gjykata Administrative në Göttingen dhe Gjykata e Lartë Administrative e Saksonisë së Ulët në Lüneburg kanë konfirmuar dëbimin e urdhëruar më parë nga qarku në fjalë.

Kosovari jeton në Gjermani që nga viti 1989 dhe kishte aplikuar pa sukses për azil, thuhet në vendimin e Gjykatës Administrative të Göttingenit, transmeton albinfo.ch. Së fundmi ai ka vuajtur një dënim me gjashtë vjet burg për trafik droge.

ARKATANA

Në bazë të një raporti që vërtetonte se i dënuari kishte një prognozë pozitive sociale, ai ishte liruar në fillim të shtatorit të vitit 2023, shkruan ndr.de. Por, sipas gjykatës, rrethi e ka vlerësuar këtë raport si të pasaktë.

Gjykata thotë atë që e konfirmojnë edhe autoritetet se babai i divorcuar i katër fëmijëve të rritur gjermanë nuk ishte integruar në shoqërinë gjermane. Ai po kështu paraqet rrezik për krime të mëtejshme, përcjell albinfo.ch. Prandaj qarku ka urdhëruar dëbimin e tij në Kosovë.

Padia e personit në fjalë kundër këtij vendimi tani ka dështuar. Sipas një zëdhënësi të gjykatës, vendimi është ligjërisht i detyrueshëm.
https://www.albinfo.ch/debohet-kosovari-jetonte-ne-gjermani-nga-viti-1989/