Debat, polemika e akuza – zhvillime dramatike në Komisionin për Gylenistët

Ndonëse ishte planifikuar që presidenti i vendit, Hashim Thaçi të raportojë para Komisionit Parlamentar Hetimor për deportimin e Gylënistëe, një gjë e tillë nuk ka ndodhur.

Kjo pasi që presidenti i vendit, Hashim Thaçi ka kërkuar të dijë nga anëtarët e Komisionit nëse eksperti ndërkombëtar i emëruar ka kaluar nëpër interpretime ligjore, shkruan lajmi.net.

Madje sipas Thaçit, vetë eksperti ndërkombëtar ishte asistent i deputetit të VV-së, Sami Kurteshi.

Debati eskaloi edhe më shumë kur mes anëtarëe të Komisionit filluan akuzat për kohën e luftës.

Polemika të ashpra me këtë rast u zhvilluan mes deputetit të PDK-së, Hajdar Beqa dhe atij të LDK-së, Anton Quni.

Sipas presidentit, Komisioni me këtë rast e ka shkelur nenin 21 pikën 5, ku thuhet se eksperti duhet të jetë i paanshëm në këtë rast.

Madje ai ka kërkuar edhe Komision tjetër Parlamentar për të hetuar këto shkelje ligjore.

Çështja e ekspertit ndërkombëtar bëri që në këtë Komision të vazhdojë edhe më tutje debati, teksa presidenti Thaçi refuzoi t’i përgjigjet pyetjeve të anëtarëve pa qartësimin e kësaj çështjeje.

Si përfundim, presidenti ka kërkuar që zyra ligjore e Kuvendit të qartësojë nëse emërimi i ekspertit ka qenë i pranueshëm apo jo. /Lajmi.net/