De Biasi: Rashica, e ardhmja e Shqipërisë

Gianni De Biasi, trajneri i Kombëtares shqiptare, ka lavdëruar yllin e ri të Vitesses, Milot Rashicën.

Mesfushori vushtrrias, Milot Rashica ka marrë lëvdata nga selektori i Shqipërisë, Gianni De Biasi. Ky i fundit ka thënë se ylli i ri i Vitesses është e ardhmja e ekipit kuqezi.

Ish anëtari i Vushtrrisë është pjesë e ekipit kuqezi, derisa pritet të debutoj në ndeshjen miqësore ndaj Luksemburgut, e cila luhet nesër.

“Rashica është pjesë e një projekti, për Shqipërinë e së tashmes ose për Shqipërinë e të ardhmes”, ka deklaruar strategu italian.

“Është një djalë i ri dhe e ardhmja varet vetëm prej tij. Nëse luan ashtu siç ka luajtur me Vitessen do të ketë një të ardhme prej protagonisti në këtë kombëtare. Nuk e di nëse e ardhmja për të do të jetë tani apo në projektin e 2 vjecarit për Rusi”, ka theksuar De Biasi. /Express/