De Biasi: Ja ku gabuam

Trajneri i Kombëtares Shqiptare të Futbollit, Gianni De Biazi u shpreh pas fitores me Katarin se është i kënaqur me fitoren e Shqipërisë karshi Katarit.

Por se ai nuk ka lënë pa kritikuar mbrojtjen për pësimin e golit që në minutën e dytë të takimit.

“Goditja e parë e dënimit, në vend që të luanim topin para, e kthyem pas dhe pësuam një gol budalla. Në këto ditë do të punojmë shumë sepse janë këto raste që bëjnë diferencën në finalet e Europianit”,-deklaroi De Biazi për “Supersport”.

I pyetur për faktin se përse zgjodhi Hysajn si kapiten, De Biazi shpjegoi se vlerëson formën e tij të treguar tek Napoli.

“Hysaj është një lojtar që mund të luajnë në dhjetë vitet e ardhme me Shqipërisë, edhe pse është me ne që nga viti 2013. Besoj se është e drejte t’i njohim edhe një kampionat të jashtëzakonshëm që ka bërë te Napoli”,tha trajneri italian i Kombëtares Shqiptare. /Albeu.com/