De Biasi e zbulon se sa lojtarë të Kombëtares do t’i bashkohen Kosovës

De Biasi ka bërë të ditur se njëri nga lojtarët, të cilët i kishte lënë jashtë Euro 2016, Berat Gjimshiti, Herolind Shala, Amir Rrahmani dhe Milot Rashica, do t’i bashkohen Kosovës, por pa cekur se cili lojtar.

Gianni De Biasi beson se vetëm një lojtarë i Kombëtares shqiptare do t’i bashkohet përfaqësueses së Kosovës
Kalimi i ndonjë lojtari nga Kombëtarja shqiptare te përfaqësuesja e Kosovës, është një temë e “nxehtë” në të dy vendet. Dhe mundësitë që të ketë të tilla lëvizje janë shumë të mundshme.

Këtë e ka konfirmuar edhe Gianni De Biasi, i cili ditë më parë akuzuar nga Albert Bunjaki se po ju bën presion lojtarëve kosovar që ta zgjedhin ekipin kuqezi.

De Biasi ka bërë të ditur se njëri nga lojtarët, të cilët i kishte lënë jashtë Euro 2016, Berat Gjimshiti, Herolind Shala, Amir Rrahmani dhe Milot Rashica, do t’i bashkohen Kosovës, por pa cekur se cili lojtar.

“Nuk di si të komentoj ato që ka thënë Bunjaki. Nëse e thotë këtë, është sepse mbase ka folur me ndonjë nga lojtarët. Mes atyre që kanë qenë në Francë dhe atyre të katërve që kanë qenë në Austri, vetëm një do kalojë në anën tjetër”, ka deklaruar ai.

“Kush qëndron te Shqipëria, është sepse ka zgjedhur ngjyrat tona i bindur që është një lojtar që të mund të ndihmojë për të realizuar objektivat që kemi për të arritur në “Rusi 2018”, shtoi ai. /express/