De Biasi e studion Danimarkën nga plazhi

Gianni De Biasi ka udhëtuar në pushime në Sardenja të Italisë.Familja De Biasi po i kalon këto ditë të fillimit të verës në bregdetin e Sardenjës. De Biasi ka menduar t’i kushtojë pak kohë përkujdesjes së familjes, duke pushuar bashkë me bashkëshorten Paola dhe të bijën Kiara Sofia.

Por “relaksi” për trajnerin e Kombëtares, është edhe punë. Ai ka marrë me vete në këto ditë plazhi edhe disa video ndeshjesh, për të parë dhe studiuar se si luan Danimarka, kundërshtari i ardhshëm i kuqezinjve, një ndeshje që do të përcaktojë ndjeshëm edhe fatin e Kombëtares sonë për finalet e Euro 2016.

“Nuk jam shkëputur plotësisht për të pushuar, por jam mundur të qetësohem në ditë të caktuara. Madje mund t’ju them se të premten kam ndjekur me kujdes ndeshjen Shqipëri-Danimarkë”, u shpreh nga Sardenja trajneri i në një intervistë për “Panorama Sport”.

Trajneri De Biasi do të tregohej optimist për lojërat e zhvilluara deri tani nga kuqezinjtë tanë për eliminatoret e Francë 2016, duke theksuar se diferencat e kuqezinjve tanë me Danimarkën ishin mjaft të vogla. /Express/