De Biasi dëshpëron shqiptarët

Gianni de Biasi ka thënë se Shqipëria nuk ka shanse që të kualifikohet në botërorin “Rusia 2018”.

Trajneri i Shqipërisë, Gianni de Biasi, ka dhënë një intervistë të gjatë për të përditshmen zvicerane “BLICK”, ku shpjegoi gjithçka që ka ndodhur me Taulant Xhakën.

Mes tjerash, ai foli edhe për kualifikimin në Botërorin “Rusia 2018”, diçka që për italianin tashmë është e pamundur pas humbjes nga Italia.

“E kam thënë edhe në fillim të kualifikimeve, se nuk do të kemi shanse në këtë grup. Do të doja të kishim luajtur me Letonin ashtu si ju, ndoshta atëherë do të kishim arritur diçka”, deklaroi De Biasi për të përditshmen zvicerane “Blick”. /Express/