De Biasi: Abedini u sill keq rreth Adnan Januzaj

Gianni De Biasi edhe njëherë ka shpreh keqardhje që Adnan Januzaj nuk vendosi të luaj për Kombëtaren e Shqipërisë, por për Belgjikën. Dhe, për këtë përzgjedhësi i kuqezinjve e ka fajësuar babain e futbollistit kosovar të Manchester Unitedit, Abedin Januzajn, raporton Zëri. De Biasi ka thënë se babai i tij është sjell keq me kuqezinjtë, me të cilët nuk pranoi asnjëherë të negocioi.

“Januzaj? E ka zgjedhur Belgjikën për babanë i cili kërkonte më shumë famë. Me ne nuk ka negociuar asnjëherë, është sjell keq”, ka deklaruar De Biasi për mediat italiane, transmeton Zëri.

Para se ta zgjidhte Belgjikën, Gianni De Biasi kishte bërë përpjekje shumë të mëdha që ta takojë babain e mesfushorit. Por, ankohej se Abedini as nuk i përgjigjej në telefon./Zëri/