Dëshmia e gjeneralit Clark në Hagë: Isha i shokuar se si fliste Millosheviqi për krimet në Kosovë

RajoniPress 17:25, 26 Korrik, 2020

/ 2 minuta lexim

Gjenerali i forcave amerikane në NATO, Wesley Clark, në dëshminë e tij dhënë në vitin 2003 në Tribunalin Ndërkombëtar për Krimet e Luftës në Jugosllavi flet për një bisedë që kishte pasur me Slobodan Millosheviqin gjatë luftës në vitin 1998.

Gjenerali Clark në dëshminë e tij tregon se si kishte mbetur plotësisht i habitur me mënyrën se si Millosheviq fliste për vrasjen e shqiptarëve të Kosovës, transmeton lajmi.net.

“Ne e dimë si të merremi me ata vrasës, ata dhunues, ata kriminelë. E kemi bërë edhe më herët. I kemi vrarë të gjithë”, i kishte thënë Millosheviq gjeneralit Clark.

E kur Clark e kishte pyetur se kur kishte ndodhur më herët një rast i tillë, Millosheviq i ishte referuar vrasjeve të kryera në Drenicë në vitin 1946.

“Isha i shokuar me pasionin me të cilin fliste, vetëm e shikoja”, kishte deklaruar Clark.

Kësaj deklarate të Millosheviqit i ishte referuar edhe gjenerali gjerman Naumann gjatë dëshmisë së tij.

Gjenerali Clark kishte dëshmuar edhe për takimet që kishte pasur me Miloseviqin gjatë krizës humanitare në Kosovë, në tetor 1998 dhe janar 1999.

Këto dëshmi u bënë prova esenciale në lidhje me gjendjen mendore të Miloseviqin, si dhe mbështetën pohimin e prokurorisë se kryerja e krimeve ndaj personave jo-serbë ishte pikërisht qëllimi i Millosheviqit. /Lajmi.net/

Dëshmia e gjeneralit Clark në Hagë: Isha i shokuar se si fliste Millosheviqi për krimet në Kosovë

Mund të ju interesoj:

Gruda: VV-ja ka dëshiruar një president militant partiak

Edmond Hajrizi dhe modeli i lidershipit që ndërton të ardhmen akademike të Kosovës

Pacolli ngre alarmin për bllokimin e Aeroportit të Vlorës: Po dëmtohet ekonomia, investimet strategjike dhe imazhi i Shqipërisë

Trump s’e përjashton mundësinë e dërgimit të trupave amerikane në Ukrainë si pjesë e garancive të sigurisë