Daut Haradinaj letër publike Isa Mustafës dhe Hashim Thaçit

Deputeti i AAK-së Daut Haradinaj përmes një letreje publiket drejtuar Kryeministrit Isa Mustafa dhe Presidentit Hashim Thaçi për të cilët thotë se marrëveshja për caktimin e kufirit me Malin e Zi është mashtrim.

Haradinaj në këtë letë thotë se asnjë debat mbi parimin katastral të marrëveshjes për kufirin nuk mund të prodhojë rezultat tjetër.

Letra e plotë e Haradinajt:

Mos ia bëni këtë tradhëti vendit

Skenari i radhës i shumicës parlamentare, përkatësisht i Isës dhe Hashimit për Kufirin, është që ta fusin një fjali në marrëveshjen për kufirin, se gjoja kufiri mund të korrigjohet edhe pas ratifikimit në Kuvend. Ky është një mashtrim ordiner, sepse në Kuvendin e Kosovës nuk mund të ratifikohet asnjë version tjetër, përpos atij që është ratifikuar në Parlamentin e Malit të zi. Kjo që po e përgatisin Isa dhe Hashimi, është mashtrimi më i flliqtë i mundshëm.

E dyta, asnjë debat mbi parimin kafastral të marrëveshjes për kufirin, nuk mund të prodhojë rezultat tjetër. Kufiri duhet të përcaktohet edhe në bazë të kritereve të tjera, e jo vetëm mbi bazën e kadastrave të falsifikuara.

Thirrja ime për të gjithë ata që po duan ta legjitimojnë humbjen e 8 mijë e sa hektarëve tokë të Kosovës është: “Mos e bëni këtë gabim, sepse do t’iu mallkojnë brezat që vinë. Mos e bëni këtë tradhëti”!

Daut Haradinaj, deputet i Kuvendit të Kosovës