UBT

DASh përsërit: Kosova nuk duhet të marrë veprime që përshkallëzojnë situatën në veri

/ 2 minuta lexim
Uji Dea

Departamenti Amerikan i Shtetit (DASh) ka përsëritur se Qeveria e Kosovës duhet të ketë koordinim në vendimet që ata i marrin lidhur me komunat veriore.Veprimet e fundi që kanë të bëjnë me kërkesën për lirimin e objektit të komunës në Mitrovicën e Veriut, pohojnë ata, janë në kundërshtim me kërkesat e tyre për të shmangur përshkallëzimin e tensioneve.

Një zëdhënës i Departamentit të Shtetit, duke folur për Pavlovic Today, tha: “Ne jemi të vetëdijshëm se qeveria komunale e Mitrovicës së Veriut ka marrë një vendim për t’u kërkuar punonjësve të disa zyrave të qeverisë serbe të largohen nga ndërtesa ku ata kanë funksionuar”. Administrata e Bidenit vazhdimisht i ka kërkuar Kosovës, përfshirë kryetarët e komunave të saj në komunat veriore, të ushtrojnë përmbajtje dhe të përmbahen nga ndërmarrja e çfarëdo veprimi që mund të rrisë tensionet ose të shihet si provokues.

Uji Dea

Departamenti i Shtetit theksoi se këto veprime të autoriteteve të Kosovës nuk ishin të koordinuara me bashkësinë ndërkombëtare dhe janë në kundërshtim me kërkesat e tyre specifike për të parandaluar përshkallëzimin.“Ne i konsiderojmë këto veprime, të cilat nuk janë koordinuar me komunitetin ndërkombëtar, si të papajtueshme me kërkesat tona për të shmangur veprimet që mund të përshkallëzojnë tensionet ose të perceptohen si përshkallëzuese”, tha ky zyrtar.

Departamenti i Shtetit vazhdon të theksojë rëndësinë e dialogut diplomatik në zgjidhjen e mosmarrëveshjeve ndërmjet Beogradit dhe Prishtinës përmes dialogut të lehtësuar nga BE.