DASH-i kërkon që diskutimet për dinarin të vazhdojnë me urgjencë

Departamenti Amerikan i Shtetit (DASH) ka shprehur mbështetjen për diskutimet që janë zhvilluar së fundmi në Bruksel, të cilat trajtuan çështjen e rregullores së re të Bankës Qendrore të Kosovës.

Në një konferencë për mediat, zëvendës-zëdhënësi i DASH-it, Vedant Patel, ka theksuar rëndësinë e vazhdimit të këtyre bisedimeve me karakter urgjent.

Qeveria jep detaje nga takimi i Bislimit me Petkoviqin në BrukselOrari për dy ndeshjet miqësore të KosovësOsmani – Welch: Rezoluta e Senatit Amerikan konfirmon se anëtarësimi i Maqedonisë…IOC lëshon kufizime të reja për atletët nga Rusia dhe BjellorusiaFrancis Ngannou thotë se është mashtruar përpara luftës me Anthony Joshuan

“E mirëpresim takimin e mbajtur në Bruksel brenda kornizës së dialogut të lehtësuar nga BE-ja, përfshirë diskutime për rregulloren e re të Bankës Qendrore të Kosovës. Besojmë se këto diskutime duhet të vazhdojnë me urgjencë. Dialogu i lehtësuar nga BE-ja është kanali adekuat për të zgjidhur këto çështje të ndërlidhura me normalizimin e marrëdhënieve mes Kosovës dhe Serbisë,” u shpreh Patel.

Ndërsa theksoi përsëritjen e thirrjeve të SHBA-së për deeskalimin e tensioneve, Patel gjithashtu tregoi se Shtetet e Bashkuara kanë qenë të qarta në shprehjen e shqetësimeve për rregulloren e re të BQK-së dhe kanë inkurajuar të dyja palët, Kosovën dhe Serbinë, për të vazhduar dialogun.

Gjatë takimit që u mbajt të martën në Bruksel, ku ishin të pranishëm kryenegociatorët e të dyja shteteve, është diskutuar edhe për temën e “dinarit”. Zëvendëskryeministri i Kosovës, Besnik Bislimi, informoi se Kosova dhe Serbia janë të angazhuara për të paraqitur propozimet e tyre për këtë çështje deri të premten, ndërsa takimi i ardhshëm është paraparë të mbahet të hënën.

Ndërkohë, kryenegociatori serb, Petar Petkoviq, ka bërë të ditur se delegacioni serb ka insistuar në takimin e martës për themelimin e Asociacionit të komunave me shumicë serbe – një pikë kryesore diskutimi që mbetet të zgjidhet.

Serbia deklaron se ndan ndihmë në vlerë të miliona eurove për komunitetin serb në Kosovë dhe ua paguan atyre rrogat, pensionet dhe ndihmën shtesë.

Osmani ka thënë se edhe komuniteti ndërkombëtar pajtohet që ndihma e Serbisë duhet të arrijë në Kosovë në euro dhe jo në dinarë, ndërsa tani autoritetet e Kosovës janë duke shqyrtuar mënyra për të garantuar që ndihma që niset prej Serbisë për komunitetin serb në Kosovë të mos keqpërdoret.

Po të martën, kryeministri i Kosovës, Albin Kurti, ka thënë në një intervistë për Radion Evropa e Lirë se nuk do të pranohen propozime për dinarin që janë në kundërshtim me rregulloren e BQK-së./Telegrafi/